Ֆուտբոլի Հայաստանի Բարձրագույն խմբի առաջնության մեկնարկային տուրում «Գանձասար-Կապանը» հյուրընկալեց «Նոային» եւ բավարարվեց 1 միավորով։ Գրանցվեց ոչ ոքի՝ 1։1։
Առաջինը հաջողության հասավ «Նոան»։ Ռուսաստանցի հարձակվող Մաքսիմ Մայրովիչը դիպուկ իրացրեց 11 մետրանոցը։ Սակայն «Գանձասար-Կապանը» կոլումբացի կիսապաշտպան Ուբեյմար Անգուլոյի գոլի շնորհիվ կարողացավ խուսափել պարտությունից։
Առաջին տուրի «Ալաշկերտ» - «Արարատ-Արմենիա» եւ «Փյունիկ» - «Լոռի» հանդիպումները հետաձգվել են։ «Արարատ-Արմենիան» ու «Փյունիկը» պատրաստվում են Եվրոպայի լիգայի որակավորման երրորդ փուլի առաջին հանդիպումներին։
Ընթացիկ առաջատարներն են 3-ական միավոր վաստակած «Շիրակն» ու «Արարատը»։
Հայաստանի առաջնություն, առաջին տուր
«Գանձասար-Կապան» - «Նոա»՝ 1։1 (տեսանյութ)
Ուբեյմար Անգուլո, 83 – Մաքսիմ Մայրովիչ, 70, 11,
Օգոստոսի 2
«Արարատ» - «Երեւան»՝ 1։0
Դավիթ Խուրսիձե, 60
«Շիրակ» - «Ուրարտու»՝ 3։1
Արտյոմ Գեւորգյան, 19, Մորի Կոնե, 40, 58 - Եվգենի Կոբզար, 71
Հեռացում՝ Արտակ Դաշյան («Ուրարտու»), 88
Հետևեք NEWS.am SPORT-ին Facebook-ում, Twitter և Telegram-ում