Ես ցանկացել եւ ցանկանում եմ մնալ «Ալ Վասլում», հայտարարել է Դուբայի «Ալ Վասլ» ակումբի նախկին գլխավոր մարզիչ Դիեգո Մարադոնան:
«Ցավում եմ, որ ակումբի ղեկավարությունը նման որոշում կայացրեց առանց ինձ զգուշացնելու: Ակումբը հրապարակեց իր որոշումը, սակայն ես ցանկացել եւ ցանկանում եմ մնալ «Ալ Վասլում»: Կզրուցեմ իմ փաստաբանների հետ, իսկ հետո կփորձեմ ընդհանուր հայտարարի գալ ակումբի ղեկավարների հետ: Հուսով եմ՝ կվերադառնամ «Ալ Վասլ»,- Մարադոնայի խոսքը փոխանցում է L’Equipe-ը:
Հիշեցնենք, որ լեգենդար արգենտինացին հեռացվել էր թիմի անհաջող մրցելույթների պատճառով: Նախորդ մրցաշրջանում «Ալ Վասլը» չկարողացավ տիտղոս նվաճել՝ զբաղեցնելով 8-րդ տեղը (առաջնությանը մասնակցում են 12 թիմեր):
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։