«Մանչեսթեր Յունայթեդի» ղեկավարությունը դժգոհ է թիմի պորտուգալացի գլխավոր մարզիչ Ժոզե Մոուրինյոյի վարքից, հաղորդում է dailymail-ը: Մասնագետին սպառնում է որակազրկում երկու խաղով: Անգլիայի ֆուտբոլային ասոցիացիան մեկ ամսում արդեն երրորդ անգամ է ոչ պատշաճ վարքի մեղադրանք ներկայացրել Մոուրինյոյին: Ակումբի ղեկավարությունում կարծում են, որ մարզիչի վարքը շեղում է թիմի խաղացողներին մարզական նպատակներից:
Անգլիայի ֆուտբոլային ասոցիացիան պաշտոնական հաղորդագրությամբ Մոուրինյոյին մեղադրել է «Վեստ Հեմի» դեմ Անգլիայի առաջնության 13-րդ տուրի խաղում (1:1) դրսեւորած ոչ պատշաճ վարքի համար եւ հնարավորություն է տվել մինչեւ դեկտեմբերի 1-ը պատասխանել մեղադրանքին:
Հիշեցնենք, որ Պոգբային սիմուլյացիայի համար դեղին քարտ ցույց տալուն Մոուրինյոն արձագանքել էր վրդովմունքով եւ ոտքով հարվածել էր ջրի շշին: Մարզիչը կարմիր քարտ էր ստացել եւ հեռացվել տրիբունա:
Ընթացիկ մրցաշրջանում Մոուրինյոն արդեն երկու խաղով որակազրկված է եղել ոչ պատշաճ վարքի համար:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։