Մոուրինյոյին սպառնում է հերթական որակազրկումը

«Մանչեսթեր Յունայթեդի» պորտուգալացի գլխավոր մարզիչ Ժոզե Մոուրինյոյին սպառնում է որակազրկում մի քանի խաղով:

Անգլիայի ֆուտբոլային ասոցիացիան պաշտոնական հաղորդագրությամբ Ժոզե Մոուրինյոյին մեղադրել է «Վեստ Հեմի» դեմ Անգլիայի առաջնության 13-րդ տուրի խաղում (1:1) դրսեւորած ոչ պատշաճ վարքի համար եւ հնարավորություն է տվել մինչեւ դեկտեմբերի 1-ը պատասխանել մեղադրանքին:

Հիշեցնենք, որ Պոգբային սիմուլյացիայի համար դեղին քարտ ցույց տալուն Մոուրինյոն արձագանքել էր վրդովմունքով եւ ոտքով հարվածել էր ջրի շշին: Մարզիչը կարմիր քարտ էր ստացել եւ հեռացվել տրիբունա:

Ընթացիկ մրցաշրջանում Մոուրինյոն արդեն երկու խաղով որակազրկված է եղել ոչ պատշաճ վարքի համար: