Բյելսան «Աթլետիկից» չի հեռանում

Բիլբաոյի «Աթլետիկի» գլխավոր մարզիչ Մարսելո Բյելսան, որը հուլիսի 7-ին հրաժարական էր տվել, հայտարարել է, որ ակումբի ղեկավարության հետ տարաձայնությունները հարթվել են:

Բյելսան «Աթլետիկի» մարզաբազայում շինարարական աշխատանքների հետ կապված սկանդալից հետո որոշել էր լքել ակումբը: Սակայն հուլիսի 9-ին արգենտինացի մասնագետը Ֆեյսբուքի իր էջում տեղադրել է հայտարարություն, ըստ որի միջադեպը հարթված է, տարաձայնությունները հաղթահարվել են եւ նա կշարունակի մարզել բասկյան ակումբը:

«Ես շարունակում եմ իմ աշխատանքը որպես մարզիչ: «Աթլետիկի» մարզական տնօրենը այս իրավիճակից լուծում կգտնի: Ես բոլորին կարող եմ վստահեցնել, որ մնում եմ թիմին հավատարիմ»,- Բյելսայի խոսքն է մեջբերում Eurosport.ru-ն: