Սուարեսին հրավիրել են կանանց ֆուտբոլային խաղի
15:54 23 սեպտեմբերի, 2016Ֆուտբոլի կանանց Իսպանիայի առաջնությունում հանդես եկող «Սանտա Տերեզա» ակումբը «Բարսելոնայի» ուրուգվայցի հարձակվող Լուիս Սուարեսին հրավիրել է առաջիկա խաղին: Հրավերի պատճառը Սուարեսի հայտարարությունն էր այն մասին, որ «Ֆուտբոլը տղամարդկանց խաղ է»:
Ուրուգվայցին նման հայտարարություն էր արել այն բանից հետո, երբ Մադրիդի «Աթլետիկոյի» բրազիլացի պաշտպան Ֆելիպե Լուիսը «Բարսելոնայի» դեմ Իսպանիայի առաջնության 5-րդ տուրի խաղից հետո հրապարակել էր իր վնասված ոտքի լուսանկարը: Դրվագներից մեկում Սուարեսը կոպիտ խաղով էր առանձնացել Լուիսի դեմ պայքարում եւ ստացել էր դեղին քարտ։
«Ֆուտբոլը տղամարդկանց խաղ է, եւ ինչ կատարվում է խաղադաշտում, պետք է մնա խաղադաշտում: Պետք չէ ամեն անգամ կրկեսի վերածել այն ամենը»,- նշել էր Սուարեսը:
«Մենք Լուիս Սուարեսին հրավիրում ենք «Բետիսի» դեմ խաղին»,- նշված է «Սանտա Տերեզայի» թվիթերյան էջում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։