«Մանչեսթեր Յունայթեդի» երկրպագուները տպավորված են թիմի նորեկ Հենրիխ Մխիթարյանի խաղով: Անգլիական «Ուիգանի» դեմ արտագնա ընկերական խաղում Հայաստանի հավաքականի կիսապաշտպանը մասնակցել էր առաջին խաղակեսին՝ նորամուտը նշելով Անգլիայի 20-ակի չեմպիոնի կազմում: Eurosport-ը ներկայացրել է «Մանչեսթեր Յունայթեդի» երկրպագուների ամենատպավորիչ թվիթերյան գրառումները Մխիթարյանի մասին:
«Մխիթարյանը վերջ դրեց Ռունիի կարիերային: Նա հիանալի տեսք ուներ 10 համարի դերում»:
«Մխիթարյանին կանգնեցնելը նույնքան բարդ է, որքան նրա ազգանունն արտասանելը: Հենրիխը ցուցադրեց գնդակի հետ աշխատելու բարձր կարգ: Նա պարզապես հրաշագործ է»:
«Հենրիխն, իսկապես, տպավորեց: Նա բազմաթիվ գոլային փոխանցումներ է կատարելու այս մրցաշրջանում»:
«Մխիթարյանն արդեն «Մանչեսթեր Յունայթեդի» լավագույն ֆուտբոլիստն է: Նա քամու պես անցնում էր պաշտպանների միջով: Լավն էր Դեպային հասցեագրված փոխանցումը կրնկով»:
Henrikh Mkhitaryan already United's best player. Breezing past players in midfield. One lovely backheel to set up chance for Memphis.
— Rob Dawson (@RobDawsonMEN) July 16, 2016
«Հենրիխը տպավորիչ էր ու ակտիվ: Մեմֆիս Դեպայն էլ պետք է ապացուցի, որ արժանի է խաղալ «Մանչեսթեր Յունայթեդում»:
Հիշեցնենք, որ «Ուիգանի» դեմ հանդիպումից հետո Հենրիխ Մխիթարյանի հասցեին գովեստի խոսքեր էր ասել նաեւ «Մանչեսթեր Յունայթեդի» նորանշանակ գլխավոր մարզիչ Ժոզե Մոուրինյոն: Հայ կիսապաշտպանը խաղում էր 10 համարի մարզաշապիկով, որը պատկանում է Անգլիայի հավաքականի ավագ Ուեյն Ռունիին: Անգլիացի հարձակվողը չէր հայտավորվել հանդիպմանը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։