«Մանչեսթեր Յունայթեդի» հետ նոր պայմանագիր կնքած Ռեշֆորդի աշխատավարձը բարձրացել է 16 անգամ
17:51 30 մայիսի, 2016Ֆուտբոլի Անգլիայի հավաքականի հարձակվող Մարկուս Ռեշֆորդը նոր պայմանագիր է կնքել «Մանչեսթեր Յունայթեդի» հետ: 18-ամյա ֆուտբոլիստն անգլիական թիմում կմնա մինչեւ 2020 թվականը: Պայմանագիրն ունի մեկ տարով երկարաձգելու հնարավորություն: Ֆուտբոլիստի աշխատավարձը բարձրացել է մոտ 16 անգամ: Այս մրցաշրջանում նա «Մանչեսթեր Յունայթեդի» երիտասարդական, հետո գլխավոր թիմում ստանում էր շաբաթական 1500 ֆունտ ստերլինգ, այժմ կստանա շաբաթական 25 հազար, հաղորդում է dailymail-ը: Գլխավոր թիմում Ռեշֆորդը նորամուտը նշել էր փետրվարին:
Ռեշֆորդն այժմ Անգլիայի հավաքականի հետ պատրաստվում է Եվրո-2016-ին: Ավստրալիայի դեմ ընկերական խաղում նա աչքի ընկավ արդեն երրորդ րոպեին՝ դառնալով նորամուտի խաղում գոլ խփած ամենաերիտասարդ ֆուտբոլիստն Անգլիայի ազգային թիմում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։