Մադրիդում վաղ առավոտյան հազարավոր երկրպագուներ անձրեւի տակ դիմավորել են «Ռեալին» (ֆոտո)

12:27   29 մայիսի, 2016

Ֆուտբոլի եվրոպական չեմպիոնների գավաթը 11-րդ անգամ նվաճած «Ռեալը» առավոտյան ժամը 7:30-ին (Մադրիդի ժամանակ) Միլանից վերադարձել է Իսպանիայի մայրաքաղաք: Անձրեւի տակ թիմը բաց ավտոբուսով շրջել է Մադրիդում: Մոտ 70 հազար երկրպագուներ են վաղ առավոտյան դուրս եկել փողոցներ՝ դիմավորելու օրվա հերոսներին:

Տոնախմբությունը կշարունակվի երեկոյան: Զինեդին Զիդանի գլխավորած թիմը կհյուրընկալվի Մադրիդի քաղաքապետարանում, տոնական երեկոն կշարունակվի «Ռեալի» ստադիոնում:

Հիշեցնենք, որ եզրափակիչում «Ռեալը» հետխաղյա 11 մետրանոցներով առավելության է հասել Մադրիդի «Աթլետիկոյի» նկատմամբ:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։