Ֆլոյդ Մեյվեզեր. ՄաքԳրեգորի հետ մենամարտը կլինի ММА-ի ու բռնցքամարտի հզորագույն դիմակայություն
15:44 24 մայիսի, 2016Պրոֆեսիոնալ բռնցքամարտի 5 քաշային կարգերում աշխարհի նախկին չեմպիոն Ֆլոյդ Մեյվեզեր կրտսերը (49–0, 26 նոկաուտ) պատմել է խառը մենամարտերի մարզիկ Քոնոր ՄաքԳրեգորի հետ հանդիպման մանրամասների մասին:
«Այժմ մենք աշխատում ենք Քոնոր ՄաքԳրեգորի հետ մենամարտ անցկացնելու ուղղությամբ: Շուտով դուք կլսեք կոնկրետ տեղեկատվություն: Մենամարտն անցկացվելու է այս տարվա վերջնամասում Լաս Վեգասում: Այդ մենամարտը ցանկանում են տեսնել բոլորը: Դա կլինի ММА-ի ու պրոֆեսիոնալ բռնցքամարտի հզորագույն դիմակայություն»,- ամերիկացի բռնցքամարտիկի խոսքը մեջբերում է ESNews-ը:
Հիշեցնենք, որ 39-ամյա Մեյվեզերը կարեիրան ավարտելու մասին հայտարարել էր սեպտեմբերի 12-ին կայացած Անդրե Բերտոյի դեմ հաղթական մենամարտից հետո, սակայն շատերը կարծում են, որ նա վերադառնալու է ռինգ կարիերայի 50-րդ մենամարտն անցկացնելու համար: Նախորդ 49 մենամարտերում ամերիկացին տարել է նույնքան հաղթանակ: Պատվավոր չեմպիոնի կոչումը նրան թույլ կտա չեմպիոնական մենամարտ անցկացնել կիսամիջին եւ առաջին միջին քաշային կարգերում, եթե որոշի վերսկսել կարիերան:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։