Դորտմունդի «Բորուսիայի» ավագ Մատս Հումելսը տարակուսանքով է ընդունել ակումբի հայտարարությունն այն մասին, թե ինքը ցանկանում է հեռանալ թիմից: Դրանից հետո «Բորուսիայի» երկրպագուները սուլոցներով եւ վիրավորական վանկարկումներով էին դիմավորել Գերմանիայի հավաքականի ավագին «Վոլֆսբուրգի» դեմ տնային խաղում:
«Հեռանալուս մասին վերջնական որոշում դեռ չկա, եւ ամեն ինչ կարող է տեղի ունենալ: Ակումբի այդ հայտարարության պատճառով ստեղծվել է սխալ տպավորություն: Չգիտեմ, թե ինչու դա արվեց»,- Հումելսի խոսքը մեջբերում է tyw.bundesligalounge-ը:
Սպասվում է, որ 27-ամյա ֆուտբոլիստը ամռանը կտեղափոխվի Մյունխենի «Բավարիա»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։