Արտաշես Ներսիսյան. Մեզ հաջողվեց պահպանել 2 օլիմպիական ուղեգրերը
11:28 30 նոյեմբերի, 2015Ծանրամարտի կանանց Հայաստանի հավաքականի գլխավոր մարզիչ Արտաշես Ներսիսյանը ամփոփել է ԱՄՆ-ի Հյուսթոն քաղաքում կայացած աշխարհի առաջնությունը, որում նրա թիմը նվաճել է օլիմպիական 2 ուղեգիր:
«Մեր առաջ խնդիր էր դրված անցած տարվա մեր երկու վարկանիշը պահպանել եւ մենք կատարեցին այդ հանձնարարությունը: Առաջնությունը շատ ծանր ստացվեց մեզ համար: Նմանատիպ ուժեղ առաջնություն ես դեռ չէի տեսել, իսկապես շատ ծանր էր, բայց մենք կարողացանք պահպանել օլիմպիական մեր երկու ուղեգրերը: Հիմա հանգիստ կարող եմ ասել, որ աղջիկների հավաքականը երկու ծանրորդով կմասնակցի Ռիոյի Օլիմպիական խաղերին: Իսկ ինչ վերաբերում է Օլիմպիական խաղերում դրական արդյունքներ գրանցելուն, ապա մենք ամեն ինչ կանենք՝ թե մարզիչներս, թե մարզիկները՝ Ռիոյում լավ արդյունքի հասնելու համար»,- մարզիչի խոսքը մեջբերում է ՀԱՕԿ-ի կայքը:
Հիշեցնենք, որ աշխարհի առաջնության կանանց պայքարում Հայաստանի ներկայացուցիչներից Աննա Գովելյանը (53 կգ) գրավեց 28-րդ տեղը, Իզաբելլա Յայլյանը (58 կգ)՝ 15-րդ, Նազիկ Ավդալյանը (69 կգ)՝ 14-րդ, Սոնա Պողոսյանը (75 կգ)՝ 21-րդ, իսկ գերծանրքաշային կարգում հանդես եկած Հռիփսիմե Խուրշուդյանը զբաղեցրեց 14-րդ տեղը:
Ծանրամարտի տղամարդկանց Հայաստանի հավաքականի Հյուսթոնում նվաճել էր Օլիմպիական խաղերի 5 ուղեգիր:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։