Ֆուտբոլի Հայաստանի ազգային հավաքականն Ավանի Ֆուտբոլային ակադեմիայում սկսել է հավաքը՝ պատրաստվելով Սերբիայի դեմ Եվրոպայի առաջնության ընտրական հանդիպմանը, հաղորդում է ՀՖՖ կայքը։
Հավաքականի գլխավոր մարզիչի պաշտոնակատար Սարգիս Հովսեփյանը հրավիրել է 23 ֆուտբոլիստների: Բացակայում է Էդգար Մանուչարյանը, ով հավաքականին չի միանա վնասվածքի պատճառով: Մանուչարյանը բաց կթողնի մոտ չորս շաբաթ: Նրա փոխարեն հավաքական է հրավիրվել «Փյունիկի» հարձակվող Վարդան Պողոսյանը:
Արտյոմ Սիմոնյանը Երեւան կժամանի օգոստոսի 31-ի երեկոյան, Հենրիխ Մխիթարյանը՝ սեպտեմբերի 1-ի առավոտյան, իսկ Գեւորգ Ղազարյանը՝ սեպտեմբերի 2-ի առավոտյան: Մնացած 20 ֆուտբոլիստները հավաքականի ճամբարում են եւ արդեն սկսել են Սերբիայի հավաքականի դեմ խաղի նախապատրաստությունը:
Մարզական հավաքը կավարտվի սեպտեմբերի 2-ին, իսկ սեպտեմբերի 3-ի առավոտյան Հայաստանի հավաքականը կմեկնի Սերբիա: Հանդիպումը տեղի կունենա սեպտեմբերի 4-ին, 22:45-ին, Սերբիայի Նովի Սադ քաղաքի «Կարաջորջե» ստադիոնում։
Ֆոտո՝ ՀՖՖ
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։