Հեմիլթոնը հագուստի պատճառով չի կարողացել ներկա լինել Ուիմբլդոնի եզրափակիչին

13:25   13 հուլիսի, 2015

«Մերսեդեսի» բրիտանացի ավտոարշավորդ Լյուիս Հեմիլթոնը չի կարողացել ներկա գտնվել աշխարհի առաջին ռակետ Նովակ Ջոկովիչի եւ շվեյցարացի Ռոջեր Ֆեդերերի միջեւ թենիսի Ուիմբլդոնի մրցաշարի տղամարդկանց մենախաղի եզրափակիչին, գրում է Daily Mail-ը: 

Ֆորմուլա-1-ի գործող չեմպիոնը պետք է մրցախաղը դիտեր թագավորական օթյակից, սակայն նրան այնտեղ չեն թողել ոչ համապատասխան դրես-կոդի պատճառով: Հեմիլթոնը չի ունեցել համապատասխան կոստյում եւ փողկապ:

Հիշեցնենք, որ եզրափակիչում 28-ամյա Ջոկովիչն առավելության էր հասել 4 սեթում եւ երրորդ անգամ հաղթել էր Ուիմբլդոնում՝ կրկնելով 2011-ի եւ 2014-ի հաջողությունը:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։