NBA-ի ամենաարժեքավոր բասկետբոլիստի լավագույն դրվագները
13:11 5 մայիսի, 2015«Գոլդեն Սթեյտի» ամերիկացի խաղարկող Ստիվեն Կարին ճանաչվել է Բասկետբոլի ազգային ասոցիացիայի (NBA) այս կանոնավոր առաջնության ամենաարժեքավոր խաղացող, հաղորդում է NBA.com-ը:
Հարցման արդյունքում Կարին հավաքել է 1998 միավոր՝ արժանանալով 130 առաջին տեղերից 100-ին: Երկրորդ տեղը գրավել է «Հյուսթոնի» խաղացող Ջեյմս Հարդենը՝ 936 միավոր, իսկ եռյակը եզրափակել է «Քլիվլենդի» առաջատար Լեբրոն Ջեյմսը՝ 552 միավոր:
Ստիվեն Կարին «Գոլդեն Սթեյտի» առաջին բասկետբոլիստն է, ով արժանանում է նման պատվի: Ավարտված կանոնավոր առաջնությունում 27-ամյա ամերիկացու միջին արդյունավետությունը կազմել է 23.8 միավոր: Նա սահմամել է NBA-ի ռեկորդ՝ իրացնելով 286 3 միավորանոց նետում:
NBA-ի մամուլի ծառայությունը ներկայացրել է Ստիվեն Կարիի 10 լավագույն դրվագները կանոնավոր առաջնությունում:
Հիշեցնենք, որ NBA-ում կանոնավոր առաջնությունն արդեն ավարտվել է եւ մեկնարկել է փլեյ-օֆֆը, որտեղ թիմերը հասել են 1/4 եզրափակիչ: «Գոլդեն Սթեյտը» հանդիպել է «Մեմֆիսին», որին հաղթել է առաջին խաղում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։