«Աթլետիկոյի» ֆուտբոլիստը «Բարսելոնայի» հետ խաղից առաջ հայտնվել է ոստիկանությունում

10:02   29 հունվարի, 2015

Մադրիդի «Աթլետիկոյի» պաշտպան Կրիստիան Անսալդին «Բարսելոնայի» դեմ Իսպանիայի գավաթի խաղարկության քառորդ եզրափակիչի պատասխան հանդիպումից առաջ բերման է ենթարկվել ոստիկանություն, հաղորդում է Cadena SER-ը:

Վնասվածքից հետո ապաքինվող 28-ամյա խաղացողը ստադիոնի ճանապարհին է եղել: Նա պետք է տրիբունայից հետեւեր հանդիպմանը: Սակայն ավտոմեքենան վարել է առանց վարորդական իրավունքի: Ճանապարհային ոստիկանները կանգնեցրել են ֆուտբոլիստին: Եղել է վիճաբանություն:

Հիշեցնենք, որ պատասխան խաղում «Բարսելոնան» հաղթել է 3:2 հաշվով եւ դուրս է եկել կիսաեզրափակիչ: 

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։