Ազդրի մկանային վնասվածքից վերականգնվող Հենրիխ Մխիթարյանը Դորտմունդի «Բորուսիայի» ընդհանուր խմբում մարզումները կվերսկսի այս շաբաթվա վերջնամասում, հաղորդում է Bild-ը:
Հայաստանի ազգային հավաքականի 25-ամյա ֆուտբոլիստը շարունակում է մարզվել անհատական ծրագրով: Բեռլինի «Հերտայի» դեմ դեկտեմբերի 13-ին կայացած խաղում ստացած վնասվածքի պատճառով Մխիթարյանը չէր մարզվել մոտ 3 շաբաթ:
Հիշեցնենք, որ Հենրիխ Մխիթարյանը «Բորուսիայի» հետ հունվարի 10-18-ը հավաքի մասնակցեց իսպանական Լա Մանգայում եւ արդեն վերադարձել է Դորտմունդ: 2015-ին դորտմունդցիներն առաջին պաշտոնական խաղն անցկացնելու են հունվարի 31-ին Լեւերկուզենում, որտեղ Բունդեսլիգայի 18-րդ տուրում մրցակիցը լինելու է «Բայերը»: Իսպանիայում Յուգեն Կլոպի թիմն անցկացրել էր 2 ընկերական խաղ՝ նվազագույն հաշվով հաղթելով Բուխարեստի «Ստյաուային» ու շվեյցարական «Սյոնին»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։