Հայաստանի հավաքականի պաշտպանը վնասվածք է ստացել եւ բաց կթողնի 2 շաբաթ
13:33 22 սեպտեմբերի, 2014Իրանական «Էսթեղլալի» եւ ֆուտբոլի Հայաստանի ազգային հավաքականի պաշտպան Հրայր Մկոյանը վնասվածք է ստացել Իրանի առաջնության խաղում։ Նախնական տվյալների համաձայն՝ գյումրեցի պաշտպանի վերականգնման համար կպահանջվի 2 շաբաթ, ինչը նշանակում է, որ նրա մասնակցությունը հարցականի տակ է սերբերի դեմ Եվրո-2016-ի ընտրական խաղին:
«Սեպտեմբերի 19-ին մասնակցեցի «Ֆուլադ» - «Էսթեղլալ» Իրանի առաջնության հանդիպմանը: Խաղացի 90 րոպե: Խաղից հետո ցավեր զգացի եւ դիմեցի բժշկի օգնությանը: Պարզվեց, որ ինձ մոտ ծնկի մկանային վնասվածք է, կա ջլերի հետ կապված խնդիր: Այժմ օրական 2 անգամ այցելում եմ ֆիզիոթերապիայի կուրսերի: Նախնական հետազոտության համաձայն՝ վերականգնմանս համար կպահանջվի 2 շաբաթ»,- Մկոյանի խոսքը մեջբերում է ՀՖՖ կայքը։
Հիշեցնենք, որ Հայաստան - Սերբիա հանդիպումը կկայանա հոկտեմբերի 11-ին Երեւանում: Այդ խաղը վնասվածք պատճառով բաց է թողնելու նաեւ Դորտմունդի «Բորուսիայի» կիսապաշտպան Հենրիխ Մխիթարյանը։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։