Հենրիխ Մխիթարյան. Այժմ ոտքս գիպսի մեջ է
17:02 21 սեպտեմբերի, 2014«Մայնցի» դեմ գերմանական Բունդեսլիգայի չորրորդ տուրի խաղում վնասվածք ստացած Հենրիխ Մխիթարյանի ոտքն այժմ գիպսի մեջ է: Դորտմունդի «Բորուսիայի» եւ Հայաստանի հավաքականի 25-ամյա կիսապաշտպանը պատմել է վնասվածքի մասին:
«Խաղային այդ իրավիճակում ոտքիս ստացած հարվածից շատ ուժեղ ցավ զգացի: Խաղից հետո անմիջապես դիմեցի բժիշկներին: Երեկ եւ այսօր արված հետազոտությունները ցույց տվեցին, որ ոտնաթաթիս հատվածում ոսկրային խնդիր կա: Այս պահին ոտքս գիպսի մեջ է, քայլում եմ հենակներով: Առաջիկա հետազոտությունները ցույց կտան, թե որքան կտեւի ապաքինումը: Նախնական ստուգումներից հետո ասել են 4 շաբաթ»,- Մխիթարյանի խոսքը մեջբերում է ՀՖՖ կայքը:
Հիշեցնենք, որ Հենրիխ Մխիթարյանը, ամենայն հավանականությամբ, բաց է թողնելու Սերբիայի հավաքականի դեմ Եվրո-2016-ի ընտրական հանդիպումը, որը կկայանա հոկտեմբերի 11-ին Երեւանում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։