98 կգ քաշային Արթուր Ալեքսանյանը նվաճեց Ուզբեկստանի մայրաքաղաք Տաշքենդում ավարտին մոտեցող հունահռոմեական ոճի ըմբշամարտի աշխարհի առաջնության կիսաեզրափակիչի ուղեգիր:
Քառորդ եզրափակիչում Եվրոպայի եռակի չեմպիոնը 1:0 հաշվով դժվարին հաղթանակ տարավ բելառուս Ալեքսանդր Հրաբովիկի նկատմամբ: Նախորդ 2 գոտեմարտերում Ալեքսանյանը պարտության էր մատնել Թուրքմենստանը ներկայացնող Արսլան Սապարմամեդովին եւ հունգարացի Ադամ Վարգային: Կիսաեզրափակիչում Օլիմպիական խաղերի բրոնզե մեդալակիրը կհանդիպի Լոնդոնի օլիմպիական չեմպիոն, իրանցի Ղասեմ Ռեզայի հետ: Լոնդոնում Ռեզային հաղթել էր գյումրեցի ըմբիշին:
Երրորդ հաղթանակը տարավ նաեւ 71 կգ քաշային Վարշամ Բորանյանը, ով 1/4 եզրափակիչում 2:1 հաշվով պարտության մատնեց ղազախ Դեմեու Ժադրաեւին: Նախորդ 2 գոտեմարտերում հայ ըմբիշը հաղթել էր իտալացի Վիտո Աբրեսկիային եւ ուզբեկ Դիլշոջոն Տուրդիեւին:
Հիշեցնենք, որ աշխարհի առաջնության վերջին օրը Հայաստանի ներկայացուցիչներից պայքարի մեջ էր մտել նաեւ Պեկինի Օլիմպիական խաղերի բրոնզե մեդալակիր Ռոման Ամոյանը, ով 59 կգ քաշայինների 1/16 եզրափակիչում 0:3 հաշվով պարտվել էր ռուսաստանցի Մինգիյան Սեմենովին:
Շուշանիկ Հակոբյան՝ Տաշքենդից («Դեւինպորտ» ընկերության աջակցությամբ)
Արթուր Ալեքսանյանի գոտեմարտը
Վարշամ Բորանյանի գոտեմարտը
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։