«Բարսելոնան» 8 միլիոն եվրո քիչ կստանա Ֆաբրեգասի տրանսֆերից
19:36 12 հուլիսի, 2014Լոնդոնի «Չելսիի» նորեկ Սեսկ Ֆաբրեգասի տրանսֆերից կատալոնական «Բարսելոնան» կստանա նախատեսվածից 8 միլիոն եվրո քիչ գումար, գրում է Marca-ն:
Իսպանիայի հավաքականի 27-ամյա ֆուտբոլիստի տրանսֆերից կատալոնացիները պետք է ստանային 33 միլիոն եվրո՝ գումարած եւս 3 միլիոն բոնուսներ: Սակայն այդ գումարից 3 միլիոն եվրոն «Բարսելոնան» կփոխանցի Լոնդոնի «Արսենալին», քանի որ մինչեւ հիմա ամբողջությամբ չի վճարել Ֆաբրեգասի տրանսֆերային արժեքը:
Բացի այդ, «Բարսելոնան» եւս 5 միլիոն պետք է վճարի ֆուտբոլիստին: Երբ Ֆաբրեգասը պայմանագիր է կնքել ակումբի հետ, նա համաձայնել է ամեն մրցաշրջանում ստանալ մեկ միլիոն եվրո քիչ աշխատավարձ, սակայն մինչեւ համաձայնագրի ավարտը թիմից հեռանալու դեպքում պետք է ստանա այդ գումարը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։