FA-ն կարող է դարձյալ պատժել Մոուրինյոյին
22:46 23 ապրիլի, 2014Անգլիայի ֆուտբոլային ասոցիացիան (FA) Լոնդոնի «Չելսիի» գլխավոր մարզիչ Ժոզե Մոուրինյոյին կարող է պատժել «Սանդերլենդի» դեմ անգլիական Պրեմյեր լիգայի 35-րդ տուրի խաղից հետո արած հայտարարության համար: Մեղադրանք է ներկայացվել նաեւ «Չելսիի» բրազիլացի կիսապաշտպան Ռամիրեսին եւ Մոուրինյոյի օգնական Ռույ Ֆարիային, հայտնում է Daily Mail-ը:
Ռամիրեսը կարող է պատժվել 42-րդ րոպեին «Սանդերլենդի» կիսապաշտպան Սեբաստիան Լարոսոնի դեմ կոպիտ խաղ ցուցադրելու համար: Մրցավարները չեն նկատել այդ դրվագը, որը չի վրիպել FA-ի ուշադրությունից:
FA-ին դուր չի եկել Մոուրինյոյի՝ «Սանդերլենդի» դեմ խաղից հետո խիստ քննադատությունն անգլիացի մրցավարների հասցեին: Պորտուգալացի մասնագետը պետք է բացատրություն տա մինչեւ ապրիլի 28-ը, իսկ բրազիլացի ֆուտբոլիստը՝ մինչեւ ապրիլի 24-ը:
Հիշեցնենք, որ վերջերս Ժոզե Մոուրինյոն 8 հազար ֆունտ ստերլինգով տուգանվել էր «Աստոն Վիլայի» դեմ խաղում ոչ մարզական վարք դրսեւորելու համար:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։