Յուրգեն Կլոպ. «Ռեալի» հետ հանդիպումից հետո Մխիթարյանն իրեն մեղավոր էր զգում
15:37 15 ապրիլի, 2014«Ռեալի» հետ հանդիպումից հետո Մխիթարյանը զգում էր, որ նա է մրցաշարից դուրս մնալու մեղավորը։ Սակայն դա անհեթեթություն է։ Այդ մասին Գերմանիայի գավաթի խաղարկության կիսաեզրափակիչի՝ «Վոլֆսբուրգի» հետ հանդիպմանը նվիրված մամուլի ասուլիսին ասել է Դորտմունդի «Բորուսիայի» գլխավոր մարզիչ Յուրգեն Կլոպը։ Գերմանացի մասնագետը գովել է Հայաստանի հավաքականի կիսապաշտպան Հենրիխ Մխիթարյանին։
«Յուրաքանչյուր ֆուտբոլիստ պետք է ռիսկի դիմի, այլապես նա կարող է խաղադաշտ դուրս չգալ։ Այո, երբեմն լինում են սխալներ, սակայն դրանց հետ հարկավոր է պայքարել։ Մխիթարյանը գիտի, թե ինչպես է պետք դա անել։ Նա լավ արձագանքեց «Ռեալի» հետ հանդիպմանը եւ ֆանտաստիկ խաղ ցուցադրեց Մյունխենում»,- Կլոպի խոսքը մեջբերում է Football411.com-ը։
Հիշեցնենք, որ Հենրիխ Մխիթարյանը «Բավարիայի» հետ արտագնա խաղում դարձել է գոլի հեղինակ՝ բացելով հանդիպման հաշիվը։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։