Այսօր մեր թիմում էլ կային վնասվածք ստացած ֆուտբոլիստներ: Այդ առումով թիմերի կորուստները հավասար էին:
Այս մասին ֆուտբոլի Հայաստանի գավաթի խաղարկության քառորդ եզրափակիչի պատասխան խաղում «Արարատի» նկատմամբ տարած հաղթանակից հետո NEWS.am Sport-ի թղթակցի հետ զրույցում ասաց Երեւանի «Փյունիկի» ավագ Դավիթ Մանոյանը:
Այնպիսի տպավորություն էր, կարծես երկրորդ գնդակը խփվեց ակնհայտ խաղից դուրս վիճակից: Դուք նման բան նկատեցի՞ք:
Դա ոչ ոք չի կարող ասել: Խաղից հետո կդիտենք կրկնապատկերը եւ կհամոզվենք:
«Փյունիկը» մի պահ բաց թողեց առավելությունը: Ո՞րն էր պատճառը:
Այո, չգիտես ինչու պահի տակ մեր խաղը թուլացավ: Մեր պաշտանները մի քանի անգամ սխալվեցին:
Մտովի պատրաստում էի՞ք լրացուցիչ ժամանակի:
Լուսատախտակները չէին աշխատում եւ ժամանակը չէր երեւում: Ես անգամ չզգացի, որ խաղն ավարտվել էր:
Ըստ քեզ՝ խաղի արդյունքի վրա ազդեցի՞ն «Արարատի» որակազրկումները:
Մեր թիմում էլ կային վնասվածք ստացած ֆուտբոլիստներ: Այդ առումով թիմերի կորուստները հավասար էին:
Այս ձմռանը սպասե՞նք քո՝ այլ առաջնություն տեղափոխվելուն: Վերջերս շատ հայ ֆուտբոլիստներ տեղափոխվում են Ղազախստան:
Ղազախստանի մասին առաջին անգամ եմ լսում: Ես նախընտրում եմ տեղափոխվել եվրոպական առաջնություններ, քան Ղազախստան կամ Ռուսաստան: Կան թիմեր, որոնք կապնվել են «Փյունիկի» հետ, բայց այս պահին հստակ ոչինչ չկա:
Վերա Մարտիրոսյան
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։