Ֆուտբոլի Պորտուգալիայի ազգային հավաքականի եւ Մադրիդի «Ռեալի» հարձակվող Կրիշիանու Ռոնալդուն չի շտապում նոր պայմանագիր կնքել Արքայական ակումբի հետ: Պորտուգալացու գործող պայմանագիրը նախատեսված է մինչեւ 2015-ի հունիսը:
Իսպանական լրատվամիջոցներում լուրեր են շրջանառվում, որ եվրոպական մի շարք ակումբներ պատրաստ են հսկայական գումարներ առաջարկել 27-ամյա պորտուգալացուն: Ռոնալդուին խոստացել են, որ նա կդառնա աշխարհի ամենաբարձր վարձատրվող ֆուտբոլիստը:
«Ռեալի» նախագահ Ֆլորենտինո Պերեսը Ռոնալդուի հետ քննարկել է նրա ապագայի հարցը: Կեղմերը դեռ փոխահամաձայանության չեն եկել, գրում է Sport.es-ը:
Հետևեք NEWS.am SPORT-ին Facebook-ում, Twitter և Telegram-ում