Մերկապարը կարող է դառնալ օլիմպիական մարզաձեւ

Մերկապարը հավակնում է դառնալ օլիմպիական մարզաձեւ: Դրա համար այն պետք է ընդունվի Միջազգային օլիմպիական կոմիտեի կողմից, համապատասխանի օլիմպիական խարտիայի բոլոր պահանջներին եւ ապացուցի, որ մերկապարով իրոք հետաքրքրվում են միլիոնավոր մարդիկ ամբողջ աշխարհից, հայտնում է Sport.mail.ru-ն:

Բացի այդ, պետք է անցկացվեն մերկապարի աշխարհի առաջնություններ (նման մրցաշար տեղի կունենա հուլիսին Լոնդոնում), եւ պետք է լինեն երկրներ, որտեղ այն կունենա մարզական գրանցում: Հիմա մերկապարը՝ որպես մարզաձեւ, գրանցված է միայն Բրազիլիայում եւ Ղրղըզստանում:

Կարեւոր դեր կարող է խաղալ մերկապարուհիների հիանալի մարզավիճակն ու կազմվածքը: Նրանք գրեթե չեն տարբերվում պրոֆեսիոնալ մարզուհիներից: 

Հետևեք NEWS.am SPORT-ին Facebook-ում, Twitter և Telegram-ում