Անգլիական «Մանչեսթեր Յունայթեդը» նույնպես կպայքարի Հոլանդիայի ազգային հավաքականի եւ Լոնդոնի «Արսենալի» հարձակվող Ռոբին վան Պերսիին ձեռք բերելու համար:
28-ամյա Վան Պերսին վերջերս ցանկություն էր հայտնել այլ ակումբ տեղափոխվելու մասին: Հոլանդացին վերջնական որոշում կկայացնի մինչեւ հուլիսի 24-ը՝ «Արսենալի»՝ Ասիա շրջագայության մեկնելուց առաջ:
Վան Պերսիի տրանսֆերն իրականացնելու համար մանչեսթերյան ակումբը կներդնի 30 միլիոն եվրո:
The Sun-ի փոխանցմամբ՝ հոլանդացուն ձեռք բերելու համար «Յունայթեդը» պատրաստ է «Արսենալին» տրամադրել Պորտուգալիայի հավաքականի կիսապաշտպան Նանիին, ինչպես նաեւ վճարել 12 միլիոն եվրո:
Հիշեցնենք, որ Վան Պերսին հրաժարվել էր նոր պայմանագիր ստորագրել «Արսենալի» հետ, իսկ ներկայիս համաձայնագիրը նախատեված է մինչեւ 2013 թվականի հունիսը:
Հետևեք NEWS.am SPORT-ին Facebook-ում, Twitter և Telegram-ում