Մյունխենի «Բավարիայի» գերմանացի հարձակվող Թոմաս Մյուլերը համեմատել է գերմանական ակումբի նախկին գլխավոր մարզիչ Խոսեպ Գվարդիոլային ու թիմը գլխավորող Կարլո Անչելոտիին:
«Անչելոտին ավելի մոտ է ֆուտբոլիստներին: Նա ունի խաղացողների հետ շփվելու լավ մոտեցումներ: Գվարդիոլայի հետ համեմատ, նա ավելի մարդկային է: Գվարդիոլան ապրում էր իր սեփական աշխարհում:
Նա ամբողջ օրը մտածում էր, թե ինչպես այս կամ այն իրավիճակում հաղթել եւս մի քանի մետր, որպեսզի գտնի օպտիմալ որոշում: Նա խելագար էր՝ այդ բառի լավ իմաստով»,- Մյուլերի խոսքը մեջբերում է Bild-ը:
Հիշեցնենք, որ նախորդ մրցաշրջանից հետո Գվարդիոլան գլխավորել է անգլիական «Մանչեսթեր Սիթին»:
Հետևեք NEWS.am SPORT-ին Facebook-ում, Twitter և Telegram-ում