Անդրեա Պիրլոն հրաշալի էր, եւ միայն հանգամանքների բերումով ձախողվեց Եվրո-2012-ի եզրափակիչում, ասել է ՈւԵՖԱ-ի տեխնիկական տնօրեն Էնդի Ռոկսբուրգը` հիմնավորելով, թե ինչու է մրցաշարի լավագույն ֆուտբոլիստ ընտրվել հենց Իսպանիայի հավաքականի կիսապաշտպան Անդրես Ինյեստան:
«Չավին, Ալոնսոն եւ Ինյեստան` երեքն էլ արտակարգ խաղացին: Ինչ վերաբերում է Չավիին, ապա նա ճանաչվել էր նախորդ Եվրոյի լավագույն խաղացող եւ հանգիստ կարող էր նաեւ այս անգամ էլ արժանանալ այդ կոչմանը, սակայն մենք զգացինք, որ այն վաստակել է Ինյեստան:
Անդրեսը այս մրցաշարի խորհրդանիշն էր. ստեղծարար, սուր խաղացող, որը արագ էր գործում թե գնդակով, թե առանց նրա: Շատ բան, որ մենք տեսանք Եվրո-2012-ում, առկա էին նրա մոտ»,- Ռոկսբուրգի խոսքն է մեջբերում ՈւԵՖԱ-ի պաշտոնական կայքը:
Բացի Ռոկսբուրգից, մրցաշարի լավագույն խաղացողին որոշած ՈւԵՖԱ-ի տեխնիկական հանձնաժողովի կազմում ընդգրկված էին Ֆաբիո Կապելոն (Իտալիա), Յեժի Էնգելը (Լեհաստան), Դուշան Ֆիտցելը (Չեխիա), Ժերար Ուլյեն (Ֆրանսիա), Լարս Լագերբեկը (Շվեդիա), Դյորդ Մեզեյը (Հունգարիա) եւ Հոլգեր Օզիկը (Գերմանիա):
Հետևեք NEWS.am SPORT-ին Facebook-ում, Twitter և Telegram-ում
00:44 , 19 մայիսի 
23:16 , 18 մայիսի 
22:21 , 18 մայիսի 
21:49 , 18 մայիսի 
21:05 , 18 մայիսի 
20:46 , 18 մայիսի 
20:33 , 18 մայիսի 
20:02 , 18 մայիսի 
19:41 , 18 մայիսի 
19:25 , 18 մայիսի 
