Ես կցանկանայի, որ հաղթեր Իսպանիան, որովհետեւ այնտեղ խաղում են իմ ակումբակիցները: Բացի այդ, նրանք իմ լավ ընկերներն են, ասել է «Բարսելոնայի» հարձակվող Լիոնել Մեսին` անդրադառնալով Եվրո-2012-ի եզրափակիչի Իսպանիա – Իտալիա հանդիպմանը:
«Իտալացիները շատ ուժեղ հավաքական ունեն, սակայն Իսպանիան ավելի արժանի է Եվրոպայի չեմպիոնի տիտղոսին»,- Մեսիի խոսքն է մեջբերում elmundodeportivo.es-ը:
Խոսելով Արգենտինայի հավաքականի մասին, Մեսին նշել է. «Ես կցանկանայի գլխավերեւում պահել Աշխարհի գավաթը: Բայց դրա համար պետք է դեռ շատ աշխատել: Ես միայնակ չեմ կարող հաղթել հանդիպումներում»:
Եվրո-2012-ի Իսպանիա – Իտալիա եզրափակիչ հանդիպումը տեղի կունենա հուլիսի 1-ին` Կիեւում:
Հետևեք NEWS.am SPORT-ին Facebook-ում, Twitter և Telegram-ում