Չեմպիոնների լիգա. «Աթլետիկոն» նվազագույն առավելությամբ հյուր կգնա «Բավարիային»

Ֆուտբոլի եվրոպական Չեմպիոնների լիգայի կիսաեզրափակիչի առաջին խաղում Մադրիդի «Աթլետիկոն» Իսպանիայի մայրաքաղաքի «Վիսենտե Կալդերոն» ստադիոնում հյուրընկալեց Մյունխենի «Բավարիային» եւ առավելության հասավ նվազագույն հաշվով:

Սկզբնամասում Սաուլ Նյիգեսն անհատական անցումով թիկունքում թողեց «Բավարիայի» մի քանի խաղացողների եւ դիպուկ հարվածով գրավեց Մանուել Նոյերի պաշտպանած դարպասը:

Հենց հաջորդ գրոհի ժամանակ «Բավարիայի» լեհ հարձակվող Ռոբերտ Լեւանդովսկին կարող էր վերականգնել հավասարությունը, սակայն Խիմենեսն օգնության հասավ դարպասապահ Օբլակին եւ փրկեց դրությունը:

«Բավարիան» գրեթե ամբողջ հանդիպման ընթացքում ուներ 70 տոկոս գնդակի վերահսկողություն, սակայն արդյունքի հասնել չկարողացավ: Երկրորդ խաղակեսի վերջնամասում Արտուրո Վիդալի երկու գեղեցիկ հարվածներից հետո Օբլակը հեռացրեց գնդակը:

Դաշտի տերերը կարող էին խփել երկրորդ գոլը, սակայն Ֆերնանդո Տորեսի հարվածից հետո «Բավարիային» փրկեց դարպասաձողը:

Պատասխան հանդիպումը Մյունխենում տեղի կունենա մայիսի 3-ին:

Չեմպիոնների լիգա, կիսաեզրափակիչ, առաջին հանդիպում

«Աթլետիկո Մադրիդ» - «Բավարիա Մյունխեն»՝ 1:0 

Սաուլ Նյիգես, 11

Հետևեք NEWS.am SPORT-ին Facebook-ում, Twitter և Telegram-ում