Բելառուսի հավաքականի ու Մոսկվայի «Դինամոյի» կիսապաշտպան Ստանիսլավ Դրագունը մարտի 25-ին կայացած Հայաստանի դեմ ընկերական խաղից հետո անդրադարձել է Ռոման Բերեզովսկուն, որն այդ օրն անցկացրեց կարիերայի վերջին հանդիպումը:
«Հետաքրքիր պահ ստացվեց: Խաղից առաջ Ռոման Բերեզովսկու հետ զրուցեցինք «Դինամոյում»: Նա ասաց, որ հանդիպման վերջնամասում խաղալու է 10 րոպե, բայց դաշտ դուրս եկավ սկզբնամասում: Կարծում եմ՝ հաճելի է, երբ ստադիոնը հոտնկայս ճանապարհում է քեզ, իսկ ֆեդերացիան լավ նվերներ է տալիս: Խաղից հետո երկրպագուները նրան տանում էին ձեռքերի վրա: Վատ չէր լինի, եթե հետագայում ինձ էլ այդպես ճանապարհեին հավաքականից: Սակայն հուսով եմ, որ դեռ մոտ չեմ կարիերաս ավարտելուն: Կցանկանայի նման բան տեսնել, երբ հավաքականը հրաժեշտ տար, օրինակ, Սաշա Կուլչիին: Սակայն նրան հրաժեշտ տալը շատ քիչ էր նման Բերեզովսկու մեծարմանը»,- Դրագունի խոսքը մեջբերում է «Прессбол»-ը:
Հիշեցնենք, որ Հայաստանի հավաքականի լեգենդար դարպասապահի հրաժեշտի խաղը կայացել էր Երեւանում եւ ավարտվել 0:0 հաշվով: Ռոման Բերեզովսկին Հայաստանի հավաքականի կազմում նորամուտը նշել է Պորտուգալիայի դեմ 1996 թվականի օգոստոսի 31-ին կայացած խաղում: Նա Հայաստանի հավաքականի կազմում անցկացրել է 94 հանդիպում եւ այդ ցուցանիշով նա զիջում է միայն Սարգիս Հովսեփյանին (132 խաղ): Բերեզովսկին 19 տարի պաշտպանել է ազգային թիմի դարպասը՝ դառնալով հայ երկրպագուների ամենասիրելի ֆուտբոլիստներից մեկը:
Հետևեք NEWS.am SPORT-ին Facebook-ում, Twitter և Telegram-ում
13:07 , 19 մայիսի 
12:04 , 19 մայիսի 
11:01 , 19 մայիսի 
10:27 , 19 մայիսի 
09:06 , 19 մայիսի 
00:44 , 19 մայիսի 
23:16 , 18 մայիսի 
22:21 , 18 մայիսի 
21:49 , 18 մայիսի 
21:05 , 18 մայիսի 
