ՈւԵՖԱ-ի նախկին նախագահ Միշել Պլատինին կարծում է, որ իրեն առաջադրված բոլոր մեղադրանքներն անհիմն են: Ֆուտբոլի միջազգային ֆեդերացիան (ՖԻՖԱ) չի բավարարել ֆրանսիացի լեգենդար ֆուտբոլիստի բողոքարկումը, սակայն նրան 8 տարով ֆուտբոլից հեռացնելու ժամկետը կրճատել է 2 տարով:
«Դա մարդու իրավունքների խախտում է: Ինձ առաջադրված բոլոր մեղադրանքներն անհիմն են եւ չունեն բացատրություն: Դա քաղաքական ու ամոթալի որոշում է: Ես համակարգի զոհ եմ դարձել: Դրա նպատակն ինձ ՖԻՖԱ-ի նախագահական ընտրություններից զրկելն էր: Ես կանեմ բոլոր բողոքարկումները՝ սկսած CAS-ից: Կգնամ մինչեւ վերջ, որպեսզի ապացուցեմ անմեղությունս»,- Պլատինիի խոսքը մեջբերում է Goal.com-ը:
Հիշեցնենք, որ ՖԻՖԱ-ի նախագահի թեկնածուների ցուցակում տեղ են գտել՝ Հորդանանի արքայազն Ալի բին Ալ-Հուսեյնը, Ասիական ֆուտբոլային կոնֆեդերացիայի ղեկավար Սալման բին Իբրահիմ Ալ-Հալիֆան, ՈւԵՖԱ-ի գլխավոր քարտուղար Ջանի Ինֆանտինոն, ՖԻՖԱ-ի գլխավոր քարտուղարի նախկին տեղակալ Ժերոմ Շամիլը եւ հարավաֆրիկացի գործարար Մոսիվա Սեկսվալեն: ՖԻՖԱ-ի նախագահական արտահերթ ընտրությունները կանցկացվեն 2016 թվականի փետրվարի 26-ին Ցյուրիխում:
Հետևեք NEWS.am SPORT-ին Facebook-ում, Twitter և Telegram-ում
01:28 , 16 մայիսի 
01:15 , 16 մայիսի 
01:02 , 16 մայիսի 
23:10 , 15 մայիսի 
22:25 , 15 մայիսի 
21:44 , 15 մայիսի 
21:01 , 15 մայիսի 
20:21 , 15 մայիսի 
19:55 , 15 մայիսի 
19:26 , 15 մայիսի 
