Ռոնալդուի հետ ոչ մի մենամարտ չի լինել, մտքներիցդ հանեք: Եվ ոչ մի այլ մենամարտ էլ չի լինի, սա «Բարսելոնա» - «Ռեալ» չէ, հայտարարել է Իսպանիայի հավաքականի եւ «Բարսելոնայի» խաղացող Խերարդ Պիկեն:
«Խաղալու են Իսպանիան եւ Պորտուգալիան, եւ առաջ կգնա ուժեղագույն թիմը, կոլեկտիվը, այլ ոչ թե լավագույն խաղացողը:
Կրիշտիանու Ռոնալդուն աշխարհի լավագույն ֆուտբոլիստներից մեկն է: Սակայն սխալ կլիներ միայն նրա վրա կենտրոնանալ: Կրկնում եմ, հաղթելու համար մենք պետք է կոլեկտիվ գործենք եւ մտածենք: Առավել եւս` Պորտուգալիայի հետ հանդիպումը շատ էներգատար կլինի:
Մտահոգո՞ւմ է ինձ Պորտուգալիան: Մենք ոչ պակաս լուրջ հանդիպում անցկացրեցինք Ֆրանսիայի հետ: Այնպես որ կարծում եմ, որ մենք կկարողանանք հաղթել պորտուգալացիներին»,- Պիկեի խոսքը մեջբերում է El Mundo Deportivo-ն:
Հունիսի 27-ին Պորտուգալիայի եւ Իսպանիայի հավաքականները կանցկացնեն Եվրո-2012-ի կիսաեզրափակիչի առաջին հանդիպումը:
Հետևեք NEWS.am SPORT-ին Facebook-ում, Twitter և Telegram-ում