Ռուսաստանի հավաքականի եւ Մոսկվայի ԲԿՄԱ-ի ֆուտբոլիստ Ալան Ձագոեւը Տոլյատիում «գերազանց» գնահատականով պաշտպանել է դիպլոմային աշխատանքը, տեղեկացնում է Интерфакс-ը:
Ձագոեւի դիպլոմայինի թեման եղել է բարձրագույն լիգայի ակումբների խաղացողների մարզումային եւ մրցումային գործունեության հարաբերակցության օպտիմիզացիան: Ռուս ֆուտոլիստին տրվել է «Ֆիզկուլտուրայի եւ սպորտի մասնագետի» որակավորում:
Նշվում է, որ դիպլոմի պաշտպանությունը անցել է «էքստրեմալ»` բազմաթիվ երկրպագուների եւ լրագրողների ներկայությամբ:
Դրանից հետո կայացած ասուլիսում Ձագոեւը լրագրողներին պատմել է գալիք հարսանիքի մասին, որը տեղի կունենա Մոսկվայում եւ հայրենիքում` Օսեթիայում, ինչպես նաեւ խոսել է եվրոպական ակումբներում խաղալու իր ցանկության մասին, եթե նրան համապատասխան առաջարկներ արվեն:
Հիշեցնենք, որ Ձագոեւը Եվրո-2012-ում Ռուսաստանի հավաքականի կազմում դարձավ երեք գոլի հեղինակ:
Հետևեք NEWS.am SPORT-ին Facebook-ում, Twitter և Telegram-ում