Ռուսաստանի ազգային հավաքականի հարձակվող Պավել Պոգրեբնյակը կարիերան կշարունակի Անգլիայի Պրեմյեր լիգա վերադարձած «Ռեդինգում»:
28-ամյա ֆուտբոլիստն առաջիկայում պայմանագիր կկնքի անգլիական ակումբի հետ: «Ռեդինգում» Պոգրեբնյակը կստանա շաբաթական 65 հազար ֆունտ ստերլինգ աշխատավարձ եւ կդառնա ակումբի պատմության ամենաբարձր վարձատրվող ֆուտբոլիստը, գրում է The Reading Chronicle-ը:
Նախորդ մրցաշրջանում հարձակվողը վարձավճարով հանդես էր գալիս Լոնդոնի «Ֆուլհեմում»: Անգլիայի ավարտված առաջնությունում Պոգրեբնյակը մասնակցել է 12 հանդիպում եւ դարձել է վեց գոլի հեղինակ:
Ռուսաստանցու ծառայություններով հետաքրքրվում էին նաեւ Բիրմինգհեմի «Աստոն Վիլան» ու Լոնդոնի «Վեսթ Հեմը»:
Հետևեք NEWS.am SPORT-ին Facebook-ում, Twitter և Telegram-ում