Չեխիայի հավաքականը պետք է «գերի» վերցնի Ռոնալդուին, եթե ցանկանում է հաղթել Պորտուգալիային, հայտարարել է Դիեգո Մարադոնան՝ կարծիք հայտնելով Եվրո-2012-ի քառորդ եզրափակիչի Պորտուգալիա – Չեխիա հանդիպման վերաբերյալ:
«Պորտուգալացիներն այս հանդիպման ֆավորիտներն են, որովհետեւ նրանք ունեն այնպիսի ռմբարկու, ինչպիսին է Կրիշտիանու Ռոնալդուն: Միխալ Բիլեկը պետք է երկու հսկող կցի Ռոնալդուի դեմ: Հոլանդիայի հետ խաղում Ռոնալդուն Վան դեր Վիլին եւ Ֆլարին անցնում էր հալած յուղի պես: Պորտուգալացիների զենքը գրոհն է, չեխերինը` կիսապաշտպանությունը: Ուղղակի պորտուգալացիները ունեն Ռոնալդու, իսկ չեխերը չունեն, դրա համար էլ առավելությունը պորտուգալացիների կողմն է»,- Մարադոնայի խոսքը մեջբերում է Goal.com-ը:
Հետևեք NEWS.am SPORT-ին Facebook-ում, Twitter և Telegram-ում