Հենրիխ Մխիթարյանը` Արթուր Աբրահամի մենամարտին (ֆոտո)

Դորտմունդի «Բորուսիայի» ու Հայաստանի հավաքականի կիսապաշտպան Հենրիխ Մխիթարյանը ներկա է եղել պրոֆեսիոնալ բռնցքամարտի սուպերմիջին քաշային կարգում WBO վարկածով աշխարհի չեմպիոն Արթուր Աբրահամի եւ անգլիացի Մարտին Մարեյի միջեւ մենամարտին:

Գերմանիայի Հանովեր քաղաքում նոյեմբերի 21-ին կայացած չեմպիոնական մենամարտին 26-ամյա ֆուտբոլիստը հետեւում էր քրոջ՝ Մոնիկայի հետ:

Հիշեցնենք, որ Հենրիխ Մխիթարյանը ներկա էր եղել նաեւ Աբրահամի նախորդ մենամարտին եւ գերմանացի Ռոբերտ Շտիգլիցի նկատմամբ հաղթանակից հետո բարձրացել էր ռինգ ու շնորհավորել հայ բռնցքամարտիկին: 33-ամյա Մարեյին 35-ամյա Աբրահամը հաղթել էր միավորներով՝ 115:112, 112:115, 116:111: Դա նրա 44-րդ հաղթանակն էր պրոֆեսիոնալ ռինգում, որում անցկացրել է 48 մենամարտ եւ կրել 4 պարտություն:

Հետևեք NEWS.am SPORT-ին Facebook-ում, Twitter և Telegram-ում