Իսլանդիայի մայրաքաղաք Ռեյկյավիկում շարունակվող շախմատի Եվրոպայի թիմային առաջնությունում նոյեմբերի 17-ին կանցկացվի 5-րդ տուրը, որում Հայաստանի հավաքականը կմրցի իտալացիների հետ: Հայ գրոսմայստերները սպիտակներով հանդես կգան առաջին եւ երրորդ խաղատախտակների վրա:
Կանանց Հայաստանի հավաքականի 5-րդ մրցակիցը Սերբիայի թիմն է:
Պարտիաները կմեկնարկեն Երեւանի ժամանակով 19:00-ին:
Հիշեցնենք, որ նախորդ տուրերում Հայաստանի հավաքականը հաղթել է Իսլանդիային ու Նորվեգիային, պարտվել ֆրանսիացիներին եւ ոչ ոքի խաղացել Անգլիայի հետ, իսկ կանանց թիմն ուժեղ էր գտնվել Լատվիայից ու Անգլիայից, պարտվել ռուսներին ու ոչ ոքի խաղացել թուրքերի դեմ:
Հետևեք NEWS.am SPORT-ին Facebook-ում, Twitter և Telegram-ում