Հայաստանի Բարձրագույն խմբի առաջնության 12 -րդ տուրի «Ուլիս» - «Արարատ» (3:1) հանդիպման ավարտից հետո խաղի մրցավար Զավեն Անդրիասյանը ոչ սպորտային պահվածքի համար երկու թիմերի խաղացողներ Արամ Բարեղամյանին եւ Կարեն Խաչատրյանին կարմիր քարտ է ցույց տվել: Ֆուտբոլիստները վիճաբանության մեջ են մտել, ինչը շարունակություն է ստացել հանդերձարանի ճանապարհին: Այստեղ արդեն վիճաբանողների թիվը երկու կողմից էլ մեծացել է, բայց գործը կռվին չի հասել:
NEWS.am Sport-ի թղթակցի խնդրանքով միջադեպը մեկնաբանել է «Արարատի» ամենափորձառու ֆուտբոլիստ եւ թիմի ավագ Արթուր Մինասյանը:
«Խաղն իրոք լարված էր, եւ հանդիպման մեկնարկում երեք գնդակ բաց թողնելուց հետո «Արարատը» ամեն ինչ արեց իրավիճակը շտկելու համար: Միգուցե առաջին հայացքից լարվածություն չկար, բայց խաղի ներքին լարվածությունը իրոք մեծ էր, քանի որ երկու կողմերն էլ ուզում էին հասնել հաջողության: Նման դեպքեր ֆուտբոլում շատ են պատահում: Հանդիպման ավարտից անմիջապես հետո էմոցիաների արտահայտումը նորություն չէ ֆուտբոլիստների համար: Որ ճիշտն էլ ասեմ՝ ինչ-որ կոնկրետ պատճառ չկար, որ ֆուտբոլիստների միջեւ լուրջ բան ծագեր: Ուղղակի փոքրիկ հրմշտոց, որին խառնվեցին մի քանի այլ ֆուտբոլիստներ, պարզ է, որ ոստիկանությունն էլ միջամտեց, բայց կողմերը պարզապես այդ պահին իրենց մտածածը ասեցին ու գնացին հանդերձարաններ: Իհարկե, նման երեւույթները ցանկալի չեն, բայց դե ֆուտբոլում, ինչպես ասում են, ամեն ինչ հնարավոր է: Ես նույնիսկ վստահ եմ, որ այդ պահից մի ժամ հետո եթե նույն խաղացողները հանդիպեին, լրիվ այլ ձեւ կխոսեին իրար հետ: Խաղի ներքին լարվածությունը պարզապես մի պահ փոխանցվեց տղաներին»,- նշեց Արթուր Մինասյանը:
Խաչիկ Չախոյան
Հետևեք NEWS.am SPORT-ին Facebook-ում, Twitter և Telegram-ում
15:11 , 17 մայիսի 
14:14 , 17 մայիսի 
13:45 , 17 մայիսի 
13:02 , 17 մայիսի 
12:29 , 17 մայիսի 
11:45 , 17 մայիսի 
11:22 , 17 մայիսի 
10:51 , 17 մայիսի 
10:24 , 17 մայիսի 
09:44 , 17 մայիսի 
