Ծաղկաձորում ավարտին մոտեցող շախմատի աշխարհի թիմային առաջնությունում ապրիլի 27-ին կանցկացվեն նախավերջին՝ 8-րդ տուրի պարտիաները:
Հայաստանի հավաքականը կհանդիպի Հնդկաստանի թիմին: Առաջին եւ երրորդ խաղատախտակների վրա հայ գրոսմայստերները կխաղան սեւերով: Պարտիաները կմեկնարկեն ժամը 15:00-ին: 7-րդ տուրից հետո Հայաստանն ու Հնդկաստանն ունեն 7-ական միավոր եւ Իսրայելի, Հունգարիայի ու Կուբայի հետ բաժանում են 3-7-րդ տեղերը:
Հիշեցնենք, որ աշխարհի գործող չեմպիոն ռուսները Հայաստանի հավաքականից կրած պարտությունից հետո զրկվել են տիտղոսը պաշտպանելու հնարավորությունից:
Կանանց Հայաստանի հավաքականը Չինաստանի Չենդու քաղաքում անցկացվող աշխարհի թիմային առաջնության 8-րդ տուրում կհանդիպի առաջատար Վրաստանի թիմին:
Աշխարհի առաջնություն, 8-րդ տուր
Հնդկաստան – Հայաստան
Ուկրաինա – ԱՄՆ
Եգիպտոս – Ռուսաստան
Կուբա – Չինաստան
Իսրայել – Հունգարիա
Ֆոտո՝ tsaghkadzor2015.fide.com
Հետևեք NEWS.am SPORT-ին Facebook-ում, Twitter և Telegram-ում