Ֆուտբոլի Ռուսաստանի հավաքականը Մոսկվա է ժամանել Չեռնոգորիայի դեմ Եվրո-2016-ի ընտրական հանդիպումից հետո:
Չեռնոգորիայի մայրաքաղաք Պոդգորիցայում անցկացված եւ անավարտ մնացած խաղի սկզբնամասում ծխագանով գլխին հարված ստացած ռուս դարպասապահ Իգոր Ակինֆեեւը նշել է, որ լավ է զգում իրեն, գրում է «Спорт-Экспресс»-ը:
Հիշեցնենք, որ խաղի առաջին րոպեին Ակինֆեեւը խաղադաշտից դուրս էր բերվել պատգարակով եւ տեղափոխվել էր հիվանդանոց մանրակրկիտ բուժզննում անցնելու համար: 2 թիմերի ֆուտբոլիստների միջեւ բախման պատճառով հանդիպումը դադարեցվել էր նաեւ 68-րդ րոպեին եւ այլեւ չէր շարունակվել:
Հետևեք NEWS.am SPORT-ին Facebook-ում, Twitter և Telegram-ում