«Միլանը» հետաքրքրվում է Իտալիայի հավաքականի եւ Դորտմունդի «Բորուսիայի» հարձակվող Չիրո Իմոբիլեի ծառայություններով:
Bild-ի համաձայն՝ իտալական ակումբը 15 միլիոն եվրո է առաջարկում 25-ամյա ֆուտբոլիստին ձեռք բերելու համար: Ավելի վաղ «Միլանի» փոխնախագահ Ադրիանո Գալիանին բանակցել էր Իմոբիլեի գործակալի հետ: Իտալացու գործող պայմանագիրն ավարտվում է 2019-ի ամռանը:
Գերմանիայում շատերը կարծում են, որ Իմոբիլեն չի արդարացնում «Բորուսիայի» սպասելիքները եւ չի համապատասխանում թիմի գլխավոր մարզիչ Յուրգեն Կլոպի մարտավարությանը: Գերմանիայի այս առաջնությունում հարձակվողը մասնակցել է 17 խաղի, դարձել է 3 գոլի եւ մեկ գոլային փոխանցման հեղինակ՝ մեկնարկային կազմում հանդես գալով 9 անգամ:
Հետևեք NEWS.am SPORT-ին Facebook-ում, Twitter և Telegram-ում