Արգենտինայի հավաքականի ֆուտբոլիստները մարտի 25-ին ներկա են եղել «Վաշինգթոնի» եւ «Ինդիանայի» միջեւ Բասկետբոլի ազգային ասոցիացիայի (NBA) կանոնավոր առաջնության հանդիպմանը:
Խաղից առաջ կատալոնական «Բարսելոնայի» հարձակվող Լիոնել Մեսիին նվիրել են «Վաշինգթոնի» 10 համարի մարզաշապիկ: Արգենտինայի հավաքականի ավագը նաեւ հանդիպել է NBA-ի պատմության ամենաբարձրահասակ բասկետբոլիստներից ռումինացի կենտրոնական Գեորգե Մուրեշանի հետ, գրում է Daily Mail-ը:
Այդ խաղում «Վաշինգթոնը» պարտվել է 101:103 հաշվով, իսկ Արգենտինայի հավաքականն այս հանգստյան օրերին ընկերական հանդիպում կանցկացնի Սալվադորի հետ:
Հետևեք NEWS.am SPORT-ին Facebook-ում, Twitter և Telegram-ում