Չի բացառվում որ առաջիկայում Կապանի «Գանձասարում» կարող է հայտնվել հոլանդացի ֆուտբոլիստ Ռեջիլիո Զեեդորֆը։
«Գանձասարը» Բարձրագույն խմբի առաջնության հերթական տուրում մրցակցի խաղադաշտում ուժերն է չափելու Դիլիջանի «Իմպուլսի» հետ։ Այս հանդիպումը լինելու է առաջինը նորանշանակ գլխավոր մարզիչ Սամվել Սարգսյանի համար։ Հոլանդացի 23-ամյա ֆուտբոլիստը հանրահայտ Կլարենս Զեեդորֆի եղբորորդին է։ Ռեջիլիոն ժամանակին հանդես է եկել Ռոտերդամի «Սպարտայի» եւ բելգիական «Բեւերենի» կազմում։ Անցյալ տարի Ռեջիլիո Զեեդորֆը խաղում էր Լիտվայի «Տաուրաս» թիմի կազմում։
NEWS.am Sport-ի թղթակցի հետ զրույցում «Գանձասարի» գլխավոր մարզիչ Սամվել Սարգսյանը հաստատեց հոլանդացու ժամանումը Կապան։
«Ռեջիլիո Զեեդորֆը փորձաշրջան է անցնելու մեր թիմում։ Նա հարձակողական ոճի կիսապաշտպան է, բայց դեռեւս չեմ կարող ասել, թե ինչ խաղամակարդակի ֆուտբոլիստ է։ Կտեսնենք գործում, հետո արդեն ակումբի ղեկավարության հետ կորոշենք, պետք է արդյոք մեր թիմին, թե ոչ»,- ասաց Սամվել Սարգսյանը։
Հետևեք NEWS.am SPORT-ին Facebook-ում, Twitter և Telegram-ում
00:44 , 19 մայիսի 
23:16 , 18 մայիսի 
22:21 , 18 մայիսի 
21:49 , 18 մայիսի 
21:05 , 18 մայիսի 
20:46 , 18 մայիսի 
20:33 , 18 մայիսի 
20:02 , 18 մայիսի 
19:41 , 18 մայիսի 
19:25 , 18 մայիսի 
