«Բարսելոնան» առաջարկ է արել նորվեգական «Ստրեմսգոդսետի» կիսապաշտպան Մարտին Էդեգորին, ով վերջերս հրաժարվել էր Մադրիդի «Ռեալի» հետ պայմանագիր կնքելուց:
16-ամյա ֆուտբոլիստն օրեր առաջ եղել է Բարսելոնայում եւ մի քանի մարզում է անցկացրել կատալոնացիների հետ: «Բարսելոնայի» առաջարկի մանրամասները չեն հրապարակվում, հաղորդում է Inside spanish football-ը:
Նորվեգացի կիսապաշտպանին ձեռք բերելու համար պայքարում են նաեւ «Ռեալը», Մյունխենի «Բավարիան», «Մանչեսթեր Յունայթեդը» եւ «Լիվերպուլը»:
Հիշեցնենք, որ բուլղարացիների դեմ Եվրո-2016-ի ընտրական խաղում Մարտին Էդեգորը Նորվեգիայի հավաքականի կազմում փոխարինման էր դուրս եկել 15 տարեկան 300 օրականում՝ դառնալով Եվրոպայի առաջնության պատմության ամենաերիտասարդ ֆուտբոլիստը:
Հետևեք NEWS.am SPORT-ին Facebook-ում, Twitter և Telegram-ում