Ֆուտբոլի Իսպանիայի առաջնության 10-րդ տուրում Մադրիդի «Ռեալը» մրցակցի խաղադաշտում 4 անպատասխան գնդակ ուղարկեց «Գրանադայի» դարպասը:
Խաղի հաշիվը երրորդ րոպեին բացեց պորտուգալացի հարձակվող Կրիշտիանու Ռոնալդուն, ով անցկացրեց կարիերայի 700-րդ հանդիպումը: Պորտուգալիայի հավաքականի ավագն Արքայական ակումբի կազմում աչքի ընկավ 12-րդ խաղում անընդմեջ եւ 17-րդ գոլը խփեց Պրիմերայում, որի լավագույն ռմբարկուն է: Այնուհետեւ «Ռեալից» դուբլի հեղինակ դարձավ կոլումբացի Խամես Ռոդրիգեսը, մեկ անգամ էլ աչքի ընկավ ֆրանսիացի հարձակվող Քարիմ Բենզեման:
Այս հաղթանակի շնորհիվ Կարլո Անչելոտիի թիմը շրջանցեց առաջատարներ «Բարսելոնային» ու «Սեւիլիային» եւ 24 միավորով բարձրացավ առաջին տեղ: 22-ական միավոր հավաքած կատալոնացիներն ու սեւիլիացիները մեկական խաղ պակաս են անցկացրել:
Իսպանիայի առաջնություն, 10-րդ տուր
«Գրանադա» - «Ռեալ»՝ 0:4
Կրիշտիանու Ռոնալդու, 2, Խամես Ռոդրիգես, 31, 87, Քարիմ Բենզեմա, 54
Հետևեք NEWS.am SPORT-ին Facebook-ում, Twitter և Telegram-ում