Անգլիական «Լիվերպուլի» գլխավոր մարզիչ Բրենդան Ռոջերսը մեկնաբանել է «Նյուքասլից» Պրեմյեր լիգայի 10-րդ տուրում կրած պարտությունը՝ նշելով, որ իտալացի հարձակվող Մարիո Բալոտելին մեղավոր չէ անհաջողության մեջ:
«Մրցակիցը պատժեց մեզ սխալի համար եւ դրա պատճառով մենք պարտվեցինք: Լավ էինք վերահսկում գնդակը, սակայն չէր ստացվում կատարել վերջին կամ նախավերջին փոխանցումը: Ստեղծեցինք շատ քիչ վտանգավոր պահեր:
Բալոտելին մեղավոր չէ պարտության համար: Այսօր պարտվեց ամբողջ թիմը. դա կոլեկտիվ սխալ էր: Հիասթափված ենք արդյունքից»,- մարզիչի խոսքը մեջբերում է BBC-ն:
Հետևեք NEWS.am SPORT-ին Facebook-ում, Twitter և Telegram-ում