Դմիտրի Գունկո. Հայաստանի թիմը սերբերին կարող է դիմագրավել միայն լավ կազմակերպված խաղով

Երեւանում գտնվող «Սպարտակի» նախկին գլխավոր մարզիչ, այժմ «Սպարտակի» գործադիր տնօրենի երիտասարդական ֆուտբոլի զարգացման հարցերով խորհրդական Դմիտրի Գունկոն NEWS.am Sport-ի թղթակցի հետ զրույցում նշել է, թե ինչի շնորհիվ Հայաստանի հավաքականը Սերբիայի դեմ Եվրո-2016-ի ընտրական խաղում կարող է խուսափել պարտությունից:

«Հայկական ֆուտբոլին լավ ծանոթ եմ, քանի որ Հայաստանի ազգային հավաքականի խաղացողներ Յուրա Մովսիսյանն ու Արաս Օզբիլիզը հանդես են գալիս մոսկովյան «Սպարտակում»: Բացի այդ, գիտենք Մխիթարյանի խաղը, ով հանդես է գալիս Գերմանիայում:  Ցավոք, այսօր այդ ֆուտբոլիստները հանդես չեն գա, եւ դա հավաբանար կազդի խաղի արդյունքի վրա: Թեեւ ֆուտբոլը հենց դրանով էլ հետաքրքիր է, որ ոչ ոք չի կարող ասել, թե ինչ հաշվով կավարտվի խաղը՝ անկախ ուժերի տարբերությունից եւ կազմերից: Իսպանիայի հավաքականի պարտությունը սլովակներից դրա վառ ապացույցն է: Անգամ երեկ Ղազախստանի հավաքականը մինչեւ 60-րդ րոպեն հաղթում էր Հոլանդիային, թեեւ գնդակին տիրում էր ընդամենը 15 տոկոս:

Հայաստանի դեպքում, երբ մրցակիցը գերազանացում է իր ուժող, ապա հակադրվել կարելի է միայն լավ կազմակերպված խաղով: Եթե Հայաստանի թիմը գրագետ, կազմակերպված խաղա հենց այդ ոճով, ապա ես հույս ունեմ, որ կկարողանա միավոր վաստակել»,- ասաց Գունկոն:

Հիշեցնենք, որ հոկտեմբերի 11-ին կայանալիք Հայաստան - Սերբիա հանդիպումը կմեկնարկի 20:00-ին:

Վերա Մարտիրոսյան

Հետևեք NEWS.am SPORT-ին Facebook-ում, Twitter և Telegram-ում