Կատալոնական «Բարսելոնայի» գլխավոր մարզիչ Լուիս Էնրիկեն Արգենտինայի հավաքականի հարձակվող Լիոնել Մեսիին համարում է աշխարհի լավագույն ֆուտբոլիստը:
«Առանց որեւէ կասկածի, Մեսին աշխարհի լավագույն ֆուտբոլիստն է: Առջեւի գծում նա կարող է խաղալ տարբեր դիրքերում: Միանշանակ, մենք չենք պատրաստվում սահմանափակել Լեոյի ազատությունը խաղադաշտում, այդ պատճառով «Բարսելոնան» կհարմարվի Մեսիի խաղին»,- Էնրիկեի խոսքը մեջբերում է beIN Sport-ը:
Հիշեցնենք, որ իսպանական Պրիմերայի առաջին տուրում կատալոնացիներն օգոստոսի 24-ին ընդունելու են «Էլչեին»:
Հետևեք NEWS.am SPORT-ին Facebook-ում, Twitter և Telegram-ում